Aaj baithe baithe yunhi, aankhen bhar aayi – pata nahi kis khayal se, dharkan tham gayi. Kal raat dekha jo sapna, kahi woh sach na ho jaye – pata nahi khushi hogi ya dukh, jab jeevan ki dhara badal jaye. Kabhi kabhi sochti hun, ki meri manzil kya hai – achchhi – buri maine har ek, chot ko saha hai. Aur kitne kante hai raah par, jin par mujhe chalna hai – kyun dekha maine sapna, jab haar se darr lag raha hai.